Orðbragð - framburður "fyrir sunnan"

Saknaði þess að ekki var fjallað um linmælgi í framburði fólksins "fyrir sunnar" eins og mamma orðaði það þegar hún talaði um Reykvíkinga.  Sagði hún að fólk nennti ekki að segja orðin. Tók sem dæmi orðið - konurnar- og sagði hún að Reykvíkingar segðu hvori konurnar með "erri" né heldur "konudnar". Hins vegar bæru þeir orðið fram sem "konunar".

Tek fram að mamma var Vestfirðingur.

Hlakka mikið til að halda áfram að fylgjast með þessum skemmtilega þætti með góðum stjórnendum. 


mbl.is Orðbragð aftur á skjáinn næsta vetur
Tilkynna um óviðeigandi tengingu við frétt

Gott er að eiga góða að.

Gott er að eiga góða að sem standa vaktina á meðan við hin getum haldið gleðileg jól með ástvinum okkar. Bestu þakkir Landsnet, aðrir starfsmenn orkufyrirtækja og allar björgunarsseitir landsins sem gerið okkur þetta kleift og gleðileg jól.
mbl.is Landsnet með aukinn viðbúnað
Tilkynna um óviðeigandi tengingu við frétt

Biðstaðir fyrir puttalanga til að komast til baka

Góð hugmynd sem Jónas hefur komið í framkvæmd. Þarf ekki líka að hafa svona skilti á Ísafirði svo ferðalangar komist nú líka til baka til Súðavíkur eða Bolungarvíkur?
mbl.is Biðstaðir fyrir puttaferðalanga
Tilkynna um óviðeigandi tengingu við frétt

Hver treystir þeim til að framfylgja skoðun fólksins í landinu?

Enn og aftur kyssa þau á vöndinn. Ég treysti þeim ekki til að framfylgja málinu með öfugum formerkjum á því sem þau hafa hingað til haldið fram. Þau verða að biðjast lausnar og leyfa trúverðugum fulltrúum að berjast fyrir okkur með öllum þeim rökum sem hafa komið fram í Icesave-málinu.
mbl.is Ný leið mörkuð
Tilkynna um óviðeigandi tengingu við frétt

Hvaða áminning og hverjir áttu í hlut?

Nokkuð erfitt að átta sig á þessari frétt. Er kannski verið að tala um Ólínu Þorvarðardóttur fyrrverandi skólameistara á Ísafirði og núverandi þingmann Samfylkingar? Er hún sem sagt búin að fá uppreisn æru?
mbl.is Áminning ráðuneytis ólögmæt
Tilkynna um óviðeigandi tengingu við frétt

Áminning ráðuneytis ólögmæt

Nokkuð erfitt að átta sig á þessari frétt. Er kannski verið að tala um að Ólína Þorvarðardóttir fyrrvernadi skólameistari Menntaskólans á Ísafirði  og núverandi þingmaður Samfylkingar hafi kært ákvörðun ráðuneytis og sú ákvörðun hafi verið felld niður?


Nýtt nafn á Kaupþing verði ESJA

Er ekki alveg ljóst að nafnið verður ESJA? Eftir hrun breyttist swiftnúmer bankans og það liggur eiginlega í hlutarins eðli að þá hafi þetta nafn verið ákveðið til framtíðar þó svo að núna fyrst muni breytingin eiga sér stað.
mbl.is Nýtt nafn á Kaupþing?
Tilkynna um óviðeigandi tengingu við frétt

Nýtt nafn á Kaupþing

Er ekki nokkuð ljóst að nýja nafnið verður Esja? Það hefur trúlega verið í pípunum síðan eftir hrun þegar swift númer bankans breyttist.

Ánægjulegt að lesa jákvæðar fréttir

Ég samgleðst Súðvíkingum með þennan áfanga, frábært hjá þeim Þorleifi og Braga að bæta þessari framleiðslu við Murr kattamatinn, góðir drengir á réttum stað sem sjá möguleikana og láta vaða. Jákvæð frétt en smá líti að mbl.is skuli skrifa á Súðavík en við sem erum frá Súðavík vitum að það er skrifað í Súðavík eins og í Reykjavík. Þumalputta reglan er sú að víkur sem eru austan við ímyndaða línu sem dregin er frá Hólmavík til Víkur í Mýrdal eru með forsetningunni á en vestan við línuna eru víkur skrifaðar með forsetningunni í.
mbl.is Íslenskur hundamatur brátt á markað
Tilkynna um óviðeigandi tengingu við frétt

Ekki 80 þúsund kall á klukkutímann

Ekki vildi ég hafa bæjarfulltrúa sem ætti bara að vera bæjarfulltrúi á launum meðan hann situr fundi. Ég tala af reynslu þegar ég fullyrði að það eru ófáar klukkustundirnar sem vinna þarf við upplýsingaöflun, lestur fundargagna og bakgrunns upplýsinga áður en mætt er á klukkustundar fund. Án undirbúnings fyrir fund tel ég lítið gagn í því að mæta yfir höfuð á fundi. Það er því ansi mikil villa í þessu reikningsdæmi um kaup per klukkustund hjá Kristjáni Þór sem bæjarfulltrúa sem haldið var fram af fyrirspyrjanda og eftir því sem ég best veit að Steingrímur J. tók svo undir. Ég geri ráð fyrir því að skynsemis maðurinn Kristján Þór hafi tekið þá góðu ákvörðun að eyða ekki dýrmætum mínútum í þessar útskýringar á framboðsfundinum sem sýndur var beint í RUV í kvöld, enda átti sá fundur ekki að fjalla um bæjarstjórnarmál.


mbl.is Segir Steingrím búa í glerhúsi
Tilkynna um óviðeigandi tengingu við frétt

Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband