.... ef rýma þyrfti borgina í hvelli

Ég hef oft velt því fyrir mér og tel að hættan sé nú ekki mest vegna olíutankanna, hins vegar ef jarðhræringar, eldgos og slíkt færi af stað þá skulum við gera okkur grein fyrir því að allir reyna að yfirgefa borgina og svæðið á misjafnlega vel útbúnum bílum með hálftóma bensíntanka. ENGIN besíndæla virkar í rafmagnsleysi en það er eitt af því fyrsta sem gerist, rafmagns staurastæður brotna og flutningslínur slitna. Fólk mun upplifa ástandið á vegunum eins og var í den þegar það var fast í bílum sínum á leið til Þingvalla á þjóðhátið vegna ofurálags á vegakerfið eða dæmið frá USA í kjölfar flóðanna þegar fólk var fast á hraðbrautum í bílum sínum vegna bensínleysis.  Eina leiðin til að tæma borgina er að koma fólkinu um borð í skip sem liggja við hafnarsvæði og sigla með fólkið á öruggt svæði t.d. Ísafjörð, Akureyri eða Austfirði og þar sem fjöldinn er mikill verður að fljúga flugvélum frá Keflavík til þessara staða og ferja fólkið til nágrannalandanna þar sem EKKERT sveitarfélag hér á landi hefur nægt húsnæði til að taka við allt að því 80% landsmanna. Er það ekki fjöldinn sem býr á stór Reykjavíkursvæðinu? Það ættu flestir að geta gengið niður á Sundahöfn eða Reykjavíkurhöfn niðri í bæ, aðrir gætu ferðast með strætó sem yrði eina farartækið sem mætti nota innanbæjar auk sjúkrabíla og lögreglu ef þessi staða kæmi upp. Alltaf gott að velta svona fyrir sér og þá koma fram ótal sjónarhorn sem vonandi færa okkur nær þokkalega upplýstri niðurstöðu að lokum.

Ók tvisvar í gegnum radarmælingu lögreglu á of miklum hraða

Athugasemdir

[Herdís Sigurjónsdóttir, 25.6.2007 kl. 21:34]

Já ég er fegin að það er verið að vinna í tvöföldun bæði Suðurlands- og Vesturlandsvegar. Ég fór til að mynda i Grímsnesið á föstudaginn og var röð frá Árbæ og til Selfoss..hraðinn 20-40 alla leiðina og fólk að glannast og reyna að taka fram úr. Ég hélt fyrst að það hefði orðið slys, en þetta er víst eitthvað sem við verðum að venjast um helgar.

[Guðbergur Geir Erlendsson (IP-tala skráð) 26.6.2007 kl. 00:29]

Mig langar að benda á það, að ef það þyrfti að rýma borgina í hvelli væri náttúrulega tvöföldun um leið því það væru væntanlega fáir ef einhverjir á leiðinni í bæinn

[Vilborg Traustadóttir, 7.7.2007 kl. 21:26]

Þess vegna er ég elsku sátt við að við eigum seglskútuna Ippu.  Við förum þá sjóleiðina fyrir vindinum!  En þetta er þörf umræða og ætti að gera aðgerðaáætlun ekki síðar en strax.  Flóknast yrði að koma sér um borð eins og þú bendir á.